Uppskriftasafn Erlu Steinu

2 tsk heil cuminfræ
1 tsk svört piparkorn
1 tsk kardimommufræ
1 1/2 tsk svört sinnepsfræ
1 tsk bukksmárafræ (fenugreekseeds)
5 msk hvítvínsedik
1 1/2 tsk salt
1 tsk ljós púðursykur
5 msk olía
2 miðlungs laukar
300 ml kjötsoð (vatn með súputening)
800 g kjúklingakjöt skorið í bita
2,5 cm kubbur engifer
1 lítill hvítlaukur
1-3 tsk chilliduft
1 1/2 tsk kanill
1 msk malaður kóríander
1/2 tsk malað turmeric

Cumin, pipar, kardimommur, sinnepsfræ og bukksmári malaður saman í mortéli (eða kaffikvörn) og síðan blandað saman við chili, kanil, salt, sykur og edik.
Mauka engifer og hvítlauk saman í matvinnsluvél og taka síðan frá þar til síðar.
Hita olíuna á pönnu og steikja þunnt skorinn laukinn þar til hann verður brúnn og stökkur, hræra oft (Mikilvægt að hann brenni ekki). Laukurinn veiddur upp úr olíunni og maukaður í matvinnsluvél með 2-3 msk af vatni. Blanda við kryddblönduna.
Steikja kjötið í olíunni og taka það síðan frá.
Að lokum er engifer/hvítlauksmaukið steikt í olíunni og kryddað til með turmeric og kóríander. Kjöti, kryddmauki og soði bætt saman við og látið malla í eina klukkustund.
Gott með hrísgrjónum og naanbrauði.