Uppskriftasafn Erlu Steinu
Vínarbrauðslengjur
Þessi uppskrift passar í tvær vínarbrauðslengjur.1,5 tsk þurrger
1 tsk sykur
60 ml volg mjólk
220 g hveiti
1/8 tsk salt
1/2 tsk vanilludropar
1 egg
60 g smjörlíki, kalt
Fyllingin:
50 g smjör
50 g sykur
100 g marsipan
1 msk saxaðar möndlur
1 msk perlusykur
Leyfið þurrgeri, sykri og mjólkinni standa í 10 mínútur saman í hrærivélaskálinni áður en afgangnum af innihaldsefnunum er bætt út í. Hnoðið deigið vel saman og leyfið deiginu síðan að standa í 10 mínútur á meðan fyllingin er útbúin.
Blandið saman sykri og smjöri. Rífið niður marsipanið á grófari hlið rifjárnsins.
Skiptið deiginu í tvennt, fletjið það úr á bökunarpappír og setjið fyllinguna í miðju deigsins endilangt.
Setjið smjör og sykurinn fyrst, marsipanið þar ofaná og bjótið hliðarnar næstum inn að miðju. Skiljið þó eftir smá renning opinn í miðjunni. Dreifið möndlum og perlusykri yfir miðjuna. Bakið við 175°c í u.þ.b. 15 mínútur.
Útbúið örlítinn glassúr úr 4 msk flórsykri og örfáum dropum af vatni (og matarlit ef vill). Smyrjið þykkum glassúrnum yfir aðra hliðina eftir að vínarbrauðin hafa náð að kólna.
Hefur þú prófað uppskriftina? Endilega segðu mér þína skoðun.
Einungis einn aðili hefur gerið stjörnur.
