Uppskriftasafn Erlu Steinu

Byrjið á að setja smjörpappír í bökunarform og smyrjið með örlitlu smjöri.
Fyrir þessa uppsprift er gott að hafa digital hitamæli eða sykur mæli ætlaðan í sælgætisgerð.
Byrjið á að setja smjör, rjóma og mjólk í pott ásamt sykri og púðursykri.
Hitið blönduna við miðlungs hita þar til smjörið hefur bráðnað.
Hrærið stöðugt í blöndunni þar til hún hefur náð 116°c. Takið pottinn af hitanum og leyfið að standa í nokkrar mínútur áður en vanilludropunum er hrært saman við þegar karamellan er komin niður fyrir 110°c.
Þá er komið að handavinnunni. Hrærið vel og lengi í blöndunni þar til hún nær þykkri og mattri áferð (minnir svolítið á smjörkrem í þurrari kantinum). Hellið síðan í smurða formið og sléttið úr henni með sleikju.
Leyfið karamellunni að storkna í 2-3 klst áður en hún er tekin úr forminu og skorin í passlega bita.
Geymið í loftþéttu boxi. Geymsluþolið er meira ef karamellan er geymd í kæli.