Uppskriftasafn Erlu Steinu
Snúðakaka
Kakan:1 egg
1/2 dl brætt smjör
1 dl sykur
1 tsk vanilludropar
1/4 tsk salt
2 tsk lyftiduft
1 1/2 dl mjólk
1 dl heilhveiti
2 1/2 dl hveiti
Snúðablanda:
1 dl brætt smjör
1 dl púðursykur
1 msk hveiti
2 tsk kanill
Glassúr:
2 dl flórsykur
1-2 msk mjólk
1/2 tsk vanilludropar
Þessi uppskrift passar í tvö lítil (19 cm) kringlótt form eða eitt stórt (24 cm) form.
Allt sem á að fara í kökublönduna er hrært saman í kekkjalausa blöndu og sett í smurð form.
Þvínæst er snúðablöndunni blandað saman og dreift yfir kökublönduna áður en hún er bökuð. Hægt er að hræra snúðablöndunni við kökuna til að mynda marmaraáferð. Ég nota oft endann á skeið til þess að gera þetta og mynda spíral með skeiðinni.
Bakið kökuna í 25-30 mín við 180°c á blæstri.
Látið kökuna kólna aðeins og setjið síðan glassúr yfir kökurnar.
Hefur þú prófað uppskriftina? Endilega segðu mér þína skoðun.
Einungis einn aðili hefur gerið stjörnur.
