Uppskriftasafn Erlu Steinu
Kransakökubitar
300 g Marsipan (Bleikt Odense)150 sykur
2 egg
Byrjið á að brytja marsipanið niður og setjið í hrærivélaskálina ásamt sykri. Vinnið saman með K-inu og bætið síðan eggjahvítunum út í skálina.
Hrærið vel saman og setjið deigið síðan íkæli í um klukkustund áður en það er bakað.
Ég nota smákökupressu til að fá fallegt mynstur og sömu stærð af deigi í hverjum skammti en einnig er hægt að setja deigið í sprautupoka en þá þarf hugsanlega að bæta aðeins við bökunartímann.
Sprautið deiginu í litlar kökur á bökunarpappír og bakið við 200°c í 10-12 mínútur.
Leyfið kökunum að kólna á bökunarplötunni í nokkrar mínútur áður en þær eru færðar yfir á kæligrind.
Þessar má gera nokkru fyrir veisluna og frysta.
Úr uppskriftinni fékk ég um 60 kökur.
Hefur þú prófað uppskriftina? Endilega segðu mér þína skoðun.
Enginn hefur gerið stjörnur enn..
