Uppskriftasafn Erlu Steinu

12 stk Jacobs cream crackers
8 greinar steinselja
2 kúfaðar teskeiðar Dijon sinnep
500 g nautahakk
1 stórt egg
salt og pipar
1 tsk olífuolía
6 hamborgarabrauð
Ostsneið fyrir hvern borgara

Til að toppa borgarann:
Romaine eða butterhead kál
Tómatar
Rauðlaukur
Súrar gúrkur
Tómatsósa og dijon sinnep

Mylja kexið vel og setja í skál. Fínsaxa steinselju með stilkunum. Bæta steinselju, sinnepi og hakki við kexið. brjóta egg út í skálina ásamt salti og pipar. Blanda vel saman, skipta blöndunni í 6 hluta og móta hamborgarabuff.
Skvetta smá olíu yfir buffin og geyma þau í ísskáp þar til á að steikja þau. Grilla eða steikja buffin á pönnu 3-4 mín á hvorri hlið við meðal hita, ekki verra að setja ostsneið á hvern borgara þegar buffinu er snúið við.

Borið fram með létt ristuðum hamborgarabrauðum, káli, rauðlauk, súrum gúrkum, tómat (snilld að kaupa bufftómat því ein sneið passar svo fullkomlega á hamborgarann), tómatsósu og dijon sinnepi.