Uppskriftasafn Erlu Steinu

12 fersk hindber
180 g mjúkt smjör
180 g sykur
180 g hveiti
1,5 tsk lyftiduft
3-4 msk mjólk
2 egg

Kremið:
125 g smjör
250 g flórsykur
1-2 msk mjólk
matarlitur, bleikur eða rauður
eitt hindber ofaná hverja köku

Byrjið á að vinna vel saman smjör og sykur.
Bætið eggjunum og mjólk út í hrærivélaskálina og þeytið vel. Sigtið hveiti og lyftiduft út í skálina og hrærið varlega saman við með sleif.
Setjið 2 msk af deigi í hvert muffins pappírsform, setjið ferskt hindber í hvert form og bætið við meira deigi til að fylla hvert form upp að 2/3.
Bakið við 175°c í 15-20 mínútur.
Þeytið saman smjör, flórsykur, mjólk og matarlit til að útbúa kremið og setjið í sprautupoka með stjörnustút.
Leyfið kökunum að kólna alveg áður en þær eru skreyttar með kremi.
Setjið ferskt ber á toppinn á hverri köku í lokin.