Uppskriftasafn Erlu Steinu
Hægeldað eplasmjör
Þetta er skemmtilegt tilbreyting ofaná brauð. Mér finnst vera ákveðin jóla stemning við kryddin í þessu en ristuð brauðsneið með kotasælu og þessu eplasmjöri ofaná er svakalega góð samsetning að mínu mati. Þetta virkar líka sem íssósa en þá er gott að hita aðeins eplasmjörið.6-7 pink lady eða gala epli
3 msk púðursykur
1 tsk kanill
1/8 tsk allspice
1/8 tsk negull
1 tsk vanilludropar
salt af hnífsoddi
smá klipa kardimommur (má sleppa)
Flysja, kjarnhreinsa og skera eplin í bita og setja botninn á slow cooker. Dreifa kryddum yfir eplin og hræra öllu saman.
Stilla pottinn á high í 4 klst eða 8-10 klst á low. Einungis þarf að hræra einu sinni í pottinum þegar tíminn er hálfnaður.
Maukið eplin og setjið aftur í slow cooker og leyfið nú eplamaukinu að sjóða í opnum potti í 1-2 klst í viðbót eða þar til áferðin er eins og þið viljið.
Bætið loks vanillu og salti í lokin og ef vantar upp á sætu má bæta við hlynsírópi.
Setjið á krukkur og geymið í kæli.
Geymist í mánuð í kæli.
Hefur þú prófað uppskriftina? Endilega segðu mér þína skoðun.
Einungis einn aðili hefur gerið stjörnur.
