Uppskriftasafn Erlu Steinu

Bræðið súkkulaði og smjör saman yfir vatnsbaði. Leyfið blöndunni að kólna aðeins á meðan unnið er með önnur innihaldsefni.

Smyrjið lausbotna form (26 cm) með smjöri og dustið hveiti yfir. Einnig er hægt að klippa út hring af bökunarpappír og setja í botninn til að auðveldara sé að ná kökunni úr forminu. Forhitið ofninn í 180°c.

Egg og sykur þeytt saman í 2-3 mínútur þar til blandan verður létt og ljós.
Sigtið hveitið út í skálina og hellið súkkulaðiblöndunni saman við. Hrærið varlega saman með sleikju til að loftið fari ekki úr deiginu.

Bakið við 180°c í miðjum ofni í 35-40 mín.

Súkkulaðihjúpur:
100 gr suðusúkkulaði
50 gr smjör
1 msk síróp.

Hitið saman í potti og hrærið stöðugt í á meðan en gætið þess að blandan sjóði ekki.

Súkkulaðihjúpnum er hellt yfir kökuna þegar hún hefur náð að kólna.